Journalist, nasampolan ng kamalditahan ni Maine

IN character lang siguro si Maine Mendoza bilang Yaya Dub sa Kalyeserye na jologs nang humarap ito para ipakilala sa respetadong journalist kaya ganoon ang naipakitang ugali.

Ang eksena, nag-request na makapag-picture sa kanya ang nasabing journalist kasama si Alden Richards kasi may nakahanda siyang mahabang artikulo sa dalawa na kanyang ipa-publish. Kaya lang parang hindi umano namansin si Maine dahil busy ito sa ibang bagay. Ang tanging pakonsuwelo na lang ng journalist ay ang  napakabait sa kanya ni Alden na very accommodating. Kaya nabawi ang sama ng loob kay Maine.

Nangyari ito sa launching ng isang produkto para sa dalawa sa Trinoma Activity Center at kinabukasan, tinawagan kami ng nasabing journalist para ikuwento sa kanyang encounter kay Yaya Dub. From here, gusto na naming maniwala sa nabalita noon na si Ai-Ai Delas Alas ay nasampolan ng kamalditahan ni Yaya Dub.

Aniya, plastikada raw si Maine at walang sensiridad ang mga ngiti. Pati ang pabebe-kaway nito ay masyadong mechanical as in, walang puso dahil para itong robot na kung kailan lang feel ngumiti ay at saka ngingiti at kung kailan gustong kumaway ay kakaway.

STARNEWS UPLOAD – Alex Datu