HATAW! D'yaryo ng Bayan hatawtabloid.com
MAGANDA ang ginawa ni Alden Richards bago sumapit ang Semana Santa at ito ang pag-amin na wala silang relasyon ni Maine Mendoza. Bagkus, magkaibigan lamang sila at wala nang hihigit pa roon.
Isang desisyong puwedeng maglagay sa panganib ng kanilang loveteam.
Hinangaan namin ang aktor dahil sa kanyang pagpapakatotoo at hindi nasilaw sa anumang alok para paibigin ang kapareha. Alam nitong malaking bentahe sa kanya ang ma-link kay Maine pero hindi niya iyon ginawa.
Ayon sa aming source, ang aktor ang klase ng tao na hindi padalos-dalos magdesisyon.
Kung nasunod ang plano, nasa bansa na si Alden kahapon, March 28 dahil ang balik nito ay umaga ng Easter Sunday mula sa Canada dahil sa kanyang Bae In The City, The Canada Tour 2016 handog ng GMA Life TV, GMA Pinoy TV, atGMA News TV International.
May mga nababahala na baka bawiin sa actor ang grasyang tinatamasa ngayon dahil nawawalan na ito ng oras sa Panginoon.
But God is good, sa tamang panahon ay sumikat si Alden, kaliwa’t kanan ang raket. Pero kung hindi man siya nakapag-observe ng Holy Week, hindi siya ang dapat sisisihin dahil desisyon ito ng management na kahit Holy Week na nasa ibang bansa ito para rumaket.
STARNEWS UPLOAD – Alex Datu
