Bakit Manipis ang Ulap, tatapusin na

WALANG idea si Meg Imperial na tatapusin na ang Bakit Manipis Ang Ulap saTV5.

Ayon sa balita, 11 taping days na lang daw. May alingasngas din na sumasakit umano ang ulo ng production dahil madalas daw magkasakit si Claudine kaya napa-pack ang taping.

Tinanong namin si Meg kung totoong unprofessional sa set si Claudine?

“Ah, I don’t think na unprofessional si Ate Clau. Okay naman siya sa work, eh. Ang ‘di ko alam kung hanggang kailan na lang ang ‘BMAU’. ‘Di ko pa nababasa lahat ng script,” pakli ni Meg.

Nakarating na ba sa kanya ang isyung 11 taping days na lang sila? ”Ay talaga? Feeling ko rin ‘di kakayaning tapusin ng 11 days dahil marami pang weeks na ‘di tapos,” reaksiyon niya.

Anyway, napansin ang galing ng pag-arte ni Meg sa Bakit Manipis Ang Ulap. Hindi siya nagpalamon kay Claudine.

“Proud ako na nakatrabaho ko si Ate Clau kasi alam kong mahusay siyang actress. Magaling din siyang makisama sa katulad kong hindi pa naman katagalan sa showbiz. Magaan siyang katrabaho kasi nakangiti na siya kaagad ‘pag dumarating.

“Marami akong natutuhan sa kanya pagdating sa pag-arte,” sambit pa ni Meg.

May isa pang show si Meg sa TV5 tuwing Linggo. Ito ‘yung Happy Truck HAPPinas na kasama niya sina Ogie Alcasid, Janno Gibbs, Derek Ramsayatbp.. Very light lang ang programa kaya pambalanse ito sa ginagawa niyang serye na BMAU.

“It’s fun! Madali ang work sa ‘Happy Truck’. At saka masaya behind the cam,”sey pa ni Meg.

‘Pag hindi busy sa showbiz si Meg ay nagpupunta siya sa Naga para asikasuhin ang negosyo nilang mag-ina, ang TimelessBeauty Salon and Spa.

TALBOG – Roldan Castro