HATAW! D'yaryo ng Bayan hatawtabloid.com
WALA pa ring kupas si Willie Revillame bilang TV host. Mahal pa rin siya ng masang Filipino.
Minsan nga ay nagbiro siya sa Wowowin na kung si Alden Richards ay love ng mga kabataan, sa kanya naman ang mga matatanda, ang mga nanay, lola. True naman ‘yun dahil kahit sa TV ay makikikita ang asim niya sa mga senior citizen. Gusto talaga siyang makita ng personal at mayakap ng mga matatanda.
Pero hindi rin lang matatanda ang market ni Kuya Wil dahil ang request ng internet sensation na si Carrot Man ay makita ng personal si Willie.
Sumasaludo rin kami kay Kuya Wil dahil mabilis ang kanyang aksiyon sa pagtulong. Pinangakuan niyang pag-aaralin ng Wowowin si Carrot Man (Jeyrick Sigmaton) nang dumalaw ito sa kanyang programa. Naawa ang matulunging TV host dahil ultimong mall ay hindi alam ni Carrot Man.
Bukod dito, simpleng buhay ang gusto ni Carrot Man at makapagtapos ng pag-aaral para makaahon sila sa hirap.
“Gusto mong mag-aral sa Baguio City, ‘di ba? Sige tutulungan kita. Kung gusto mo, pag-usapan niyo ng staff ko, mag-enroll ka roon,” sey pa niya.
Talbog!
TALBOG – Roldan Castro
