HATAW! D'yaryo ng Bayan hatawtabloid.com
SINUPORTAHAN ng pamilya Gutierrez ang advance screening ng Ang Panday na pinagbibidahan ng Ultimate Primetime King na si Richard Gutierrez na magsisimula sa February 29 sa TV5.
Bagay na bagay kay Richard na maging Ang Panday na idinirehe ni Mac Alejandra. Ang ganda ngayon ng katawan niya. Nabigyan niya ng justice ang dating ginampanan nina Fernando Poe Jr., Bong Revilla Jr., at Jericho Rosales.
Parang pelikula ang napanood namin sa bagong version ng Ang Panday. Panalo sa special effects at maganda ang musical scoring na lalong nagpaganda sa nasabing fantaserye.
Sa pilot episode ay may patikim na ng labanan nina Flavio at Lizardo na ginagampanan ni Christopher De Leon.
Sa umpisa pa lang ay mararamdaman mong may kakaibang twist ang Ang Panday dahil ang makalumang kuwento ng Ang Panday ay dadalhin nila sa new generation.
Sisimulan din ang istorya noong bata pa na nagkahiwalay ang magkapatid na Richard at Carlos Agassi. Makikita kung paano pinagmalupitan noong bata pa si Carlos ng kanilang ama (John Regala) kaya lumaki itong masama. Si Richard naman ay pinalaki ng pari kaya lumaking mabuting tao at may takot sa Diyos. SiAra Mina ang gumanap nilang ina.
Kahit ang anak ni Richard na si Zion ay tuwang-tuwa habang pinanonood ang Ang Panday. Nag-i-enjoy siya sa espada na ginagamit ng kanyang ama.
Dumating din si Sarah Lahbati sa advance screening pero sinabi niya na ayaw niyang panoorin ang mga love scene ni Richard sa kanyang leading ladies na sinaJasmine Curtis-Smith, Sam Pinto, at Bangs Garcia. Ayaw raw niyang maapektuhan kaya hindi na lang niya panonoorin ang intimate scenes ni ‘Chard sa kanyang mga ka-partner.
Pak!
Boom!
( ROLDAN CASTRO )
