Pagbubuntis ni Toni, ayaw pag-usapan

BAKIT kaya umiiwas ang kampo ni Toni Gonzaga na sagutin ang napapabalitang buntis siya? Wala pang diretsong sagot si Toni. Wala rin siya sa presscon ng I Love OPM na isa siya sa Himigration officers kasama sina Martin Nievera at Lani Misalucha. Ito ang show na naghahanap ng foreigner sa larangan ng pag-awit ng OPM at itaguyod ang Pinoy Music. Hosts dito sina Anne Curtis at Eric Nicolas.

Noong makatsikahan siya ng press sa Anak TV Awards ay buong ningning niyang sinabi na hindi ‘yun ang tamang lugar para magsalita. Siguro raw ay may tamang panahon.

Kailan kaya ang right time at right place na ‘yun? Aba’y naunahan pa ang preggy issue na ‘yan sa sitcom niyang Home Sweetie Home. Saan ba ang tamang lugar at right time para magsalita si Toni?

TALBOG – Roldan Castro