Kailan kaya makababalik ng Kapamilya Network si Maricel?

UMALIS si Sharon Cuneta sa ABS-CBN 2 noon para lumipat sa TV5.  Pero nang natapos ang kontrata niya sa Kapatid Network ay hindi na siya nag-renew. Mas pinili niyang bumalik sa ABS-CBN 2 noong muli siyang kunin nito.

Sa pagbabalik ng Megastar sa Kapamilya Network ay kinuha siyang isa sa judges ng Your Face Sounds Familiar. Muling uminit ang career ni Sharon sa pagbabalik-Dos dahil sa taas ng rating ng show na bahagi siya.

Si Maricel Soriano ay umalis din sa ABS-CBN 2 para lumipat sa GMA 7. Binigyan siya nito rati ng seryeng Ang Dalawang Mrs. Real na gumanap siya bilang asawa ni Dingdong Dantes. After ng seryeng ‘yun ay hindi na ulit binigyan ng Kapuso Network ng serye ang Diamond Star.

Hanggang ngayon nga ay wala siyang regular exposure sa telebisyon.

Sana gaya ni Sharon ay muling kunin ng Dos si Maricel. Sana ay pabalikin na rin nila ito sa kanila gaya nang ginawa nila hindi lang kay Sharon, kundi maging sa dating magka-loveteam na sina Marvin Agustin at Jolina Magdangal at sa mag-asawang Robin Padilla at Mariel Rodriguez na pagkatapos din silang iwan ay muli nilang kinuha ang mga ito, ‘di ba?

No to Manny for 2016, lumawak pa

ISA lang si John “Sweet” Lapus sa mga nagalit kay Cong. Manny  Pacquiaodahil sa sinabi niyang against siya sa same sex marriage. Na masahol pa sa hayop ang mga taong nagpapakasal sa pareho nilang kasarian.

Sa kanyang social media accounts (Facebook, Instagram at Twitter)  ay hinikayat ni Sweet ang kapwa niya Filipino at mga kapatid sa LGBT community na huwag nang iboto si Manny bilang Senador sa darating na eleksiyon sa Mayo.

MA at PA – Rommel Placente