HATAW! D'yaryo ng Bayan hatawtabloid.com
MASAYA si Ellen Adarna dahil extended pa rin hanggang sa katapusan ng February 26 ang kanyang teleseryeng Pasion de Amor ng ABS-CBN.
Katunayan, lalong gumaganda ang aura ni Ellen dahil sa nasabing teleserye at kitang-kita ang kanyang kaseksihan sa ilang mga eksena.
Noong isang linggo ay angat si Ellen sa mga muse na dumalo sa opening ng PBA D League sa San Juan Arena.
Kahit simple lang ang bihis ni Ellen na asul na top at pulang miniskirt, hindi pa rin nawawala ang kanyang kompiyansa sa pagrampa sa court.
Dating naging muse si Ellen ng Barangay Ginebra sa PBA kaya sanay na siya sa pagharap sa basketball fans.
Samantala, noon ding opening ng liga ay nakita namin si Empress Schuck na muse rin ng Mindanao Aguilas.
Kapansin-pansin na tumaba na si Empress pagkatapos niyang manganak at wala pa kaming naririnig sa kanya na bagong TV project mula sa GMA 7.
SHOWBIZ TIDBITS – James Ty III
