HATAW! D'yaryo ng Bayan hatawtabloid.com
MUKHANG nakaisa si Matteo Guidicelli kay Enrique Gil kasi sampung araw silang nagkasama ni Liza Soberano sa taping nila ng bagong serye ng ABS-CBN 2 na Dolce Amore na magsisimula ngayong Pebrero.
Pabor din si Matteo kung pagselosan siya ni Enrique sa serye dahil ibig sabihin ay effective siyang ka-love triangle ng LizQuen pati na ang acting niya. Hindi naman daw siya bina-bash ng fans ng LizQuen fans kundi welcome pa raw siyang mag-post ng picture nila ni Liza.
Kahit ang fans nila ni Sarah Geronimo ay very supportive sa bagong serye ni Matteo.
Aminado ang young actor na kinikilig din siya sa nakikita niyang sweetness at closeness nina Enrique at Liza. Nakaka-good vibes at astig ang dalawa. Nagtatawanan lang daw at ini-enjoy nila ang company ng bawat isa.
Masaya si Matteo na naging parte siya ng Dolce Amore. Matagal din daw siyang nawala sa primetime. Gaganap siya bilang si Giancarlo, ang best friend ni Serena (Liza) na may lihim na pagtingin sa kanya.
Makakasama rin nila sina Cherie Gil, Ruben Maria Soriquez, Edgar Mortiz, Rio Locsin, Kean Cipriano, Sunshine Cruz, Andrew E, at Frenchie Dy.
“Sobrang blessing itong project na ito. Malapit sa akin ‘yung character kasi Italyano siya and sobrang close sa puso ko kasi nag-shoot kami sa Italy at nakikita ko ‘yung Italian culture namin, ‘yung sa Lolo ko, sa family ko,” sambit niya.
Dream din daw niya na makatrabaho si Direk Cathy Garcia-Molina.
Talbog!
TALBOG – Roldan Castro
