HATAW! D'yaryo ng Bayan hatawtabloid.com
WALANG katotohanan ‘yung mga nasulat kay Jiro Manio na umano’y bumalik na uli siya sa paggamit ng drugs pagkatapos lumabas mula sa isang private facility.
Madalas nga raw umaalis ang batang aktor sa condo na tinutuluyan niya para puntahan ang dating mga kabarkada at muling makipag-session.
Ang kasama ni Jiro sa condo na inuupahan niya na binabayaran ni Ai Ai delas Alas ay ang tiyuhin niya. At kapag umaalis siya ng condo ay lagi niyang kasama ito.
Noong minsang magkita nga kami ni Jiro ay kasama niya ang tiyuhin niya. So, paanong muling gagamit ng drugs si Jiro? Alangan namang hayaan ng tiyuhin niya si Jiro na muling mag-drugs? Ito nga ang tumatayong bantay niya ngayon para hindi siya muling maligaw ng landas.
Ipinangako ni Jiro na hindi na siya muling gagamit ng drugs at pinaninindigan niya ang pangakong ito.
Mas gustong mag-Japan kaysa mag-artistaHindi balik-droga si Jiro kundi balik-private facility siya. Yes, dinala siya ulit doon ni Ai Ai dahil sa tingin nito ay hindi pa tuluyang magaling si Jiro at kailangan pang muling gamutin.
Pinag-a-acting workshop kasi ni Ai Ai si Jiro bilang preparasyon sa muli niyang pagbalik sa showbiz at para na rin sa guesting niya sa Magpakailanman. Noong una ay dumadalo ng workshop si Jiro pero noong bandang huli ay hindi na, tinamad na ito.
Sinabi niya kay Ai Ai na ayaw niya nang mag-artista na gusto niyang mamuhay na lang bilang isang ordinaryong tao. At nagpupumilit itong pumunta na lang ng Japan para makita ang tunay na ama at doon na lang mag-stay for good.
Nawindang si Ai Ai sa naging desisyon na ito ni Jiro. ‘Yun ang naging dahilan para mag-decide na nga lang ang Concert-Comedy Queen na ibalik sa private facility si Jiro dahil nga sa tingin nito ay hindi pa ito totally magaling.
MA at PA – Rommel Placente
