Kiray, bibigyan ng launching movie ng Regal

ANG taray ni Kiray dahil bibigyan siya ng launching movie  ng Regal Films pagkatapos ng Love is Blind movie niya with Derek Ramsay, Solenn Heussaff, at Kean Cipriano under Regal Films na palabas sa February 10.

Kinunan ng reaksiyon si Kiray dahil hindi siya nabigyan ng home network niya ng ganitong oportunidad.

“Show nga, hindi nila ako mabigyan, ano ‘to?” natatawang pahayag niya.

Pero wala naman daw siyang tampo sa Kapamilya Network.

“Kasi never naman po akong naging priority. Ba’t naman ako magtatampo? Kung ginawa nila akong bida roon, baka ’ano ba ‘yun, ba’t ‘di nila ako binibigyan?

”Pero never ko pong na-feel na special ako so, wala pong dapat ikatampo,” bulalas niya.

Feeling ba niya special siya sa Regal?

“Sobra. I mean, grabe ang Regal. Totoo,” sambit ni Kiray.

Ready na ba siya para sa isang solo movie?

“Siyempre, mas pressure na naman po, eto na naman. Sabi ko nga, hindi pa nailalabas ‘yung movie na isa, may bago na naman. Sabi ko, hindi ko nga alam kung okay ba ‘to,” pakli niya.

“Ayoko pong magyabang pero sana. Sabi sa akin ni Kuya Derek, huwag akong mag-alala or huwag akong ma-pressure. Sabi niya sa akin, magdasal lang daw ako, at ‘yun ang lagi kong ipinagdarasal.

“Siyempre, ‘yun ang pangarap ko. Sana, ito na ang tamang panahon. Sa tagal-tagal ko pong naging artista, ang tagal ko rin pong hinintay ‘yung panahon na ‘to,” pahayag pa niya.

TALBOG – Roldan Castro