Traffic constable wala nang diaper — MMDA (Sa traslacion ng Nazareno)

HINDI na pagsusuotin ng diaper ang mga traffic constable dahil hindi komportable habang nagbabantay at nangangasiwa ng trapiko sa gagawing prusisyon ng Itim na Nazareno.

Inihayag ito kahapon ni Metropolitan Manila Development Authority (MMDA) Chairman Emerson Carlos.

Ayon sa MMDA Chief, hindi komportable para sa kanilang mga tauhan ang pagsusuot ng diaper habang ginagawa ang kanilang trabaho kaya hindi na nila ito gagawin.

Matatandaan, noong nakaraang taon ay pinagsuot ng diaper ang itinalagang traffic constables nang sa gayon ay hindi na umalis pa sa kanilang puwesto kapag dumating ang ‘tawag ng kalikasan.’

Una nang inihayag ng MMDA, mahigit sa 1,600 tauhan nila ang ipakakalat  sa bahagi ng Quiapo sa Sabado upang pangasiwaan ang trapiko habang isinasagawa ang prusisyon ng Black Nazarene.