HATAW! D'yaryo ng Bayan hatawtabloid.com
NAKABIBILIB si US president Barack Obama.
Sa kagustuhan niyang ma-control ang bentahan ng mga baril sa Amerika, naging emosyonal siya. Napaluha.
Ang emotional moment ng pangulo ng United States of America ay naganap nang siya ay magsalita sa Whitehouse.
Nais ipaglaban ni Obama ang guns control law sa lahat ng panig ng Amerika.
Ang dahilan, karamihan sa mga nasasangkot sa krimen, pamamaril o pagpatay sa Amerika ay mga iresponsableng gun holder na walang disiplina at kasanayan sa paghawak ng baril. May mga topak sa ulo. Ang ilan sa nasangkot sa krimen na gumamit ng baril ay minor o ‘di kaya ay naka-droga at may problema sa pamilya.
Nang 2015, naitala sa US ang ilang sunod-sunod na insidente ng pamamaril at walang habas na pagpatay. Ang ilan sa insidenteng nangyari ay naganap sa loob ng paaralan. Pati pulis sa US ay binabaril.
SA tate, open ang bentahan ng iba’t ibang uri ng baril sa mga authorized guns store. Nakabibili ng short firearms o long firearms basta may pambayad na dolyares. Quality pa.
Ayaw na ni Obama ang mga bayolenteng pangyayari sa US. Kaya siya na ang humihiling sa kongreso ng US na tulungan siyang isulong ang guns rules law.
Ang pagtulo ng luha ni Obama ay isang palatandaan na nais niyang iligtas sa kapahamakan ang mga inosenteng mamamayan sa Amerika. Iyan ay habang siya pa ang pangulo sa US.
Pasalamat tayo at dito sa Filipinas ay nakokontrol pa ang bentahan ng mga baril. Maliban lang sa mga corrupt at magnanakaw sa gobyerno.
Pista ng Quiapo
THIS week ay kapistahan na naman ng Poong Nazareno sa Quiapo, Maynila.
Inaasahang maraming deboto ang sasama sa prusisyon ng Black Nazarene.
Sigurado, maghahanapbuhay na naman sa Quiapo ang mga hudas na salisi gang at mandurukot.
Padaplis muna!!! Pa-STL bookies ni Peping sa Calaca, Nasugbu
ANG pa-STL bookies naman sa bayan ng Calaca at sa bayan ng Nasugbu sa Batangas ay kontrolado raw ni Mang Peping na ang daily remittances ay umaabot sa 250 thousand hanggang 300-K. Naku! May fake na jueteng pala sa Calaca at Nasugbu. Dapat nang kumilos rito ang PCSO.
* * *
Sa next column ay muli nating tatalakayin ang gambling operations na pa-loteng, pa-bookies ng kabayo at pa-jueteng sa Pasay.
Malapit na rin magkapalitan ng hepe???
Abangan!!!
