HATAW! D'yaryo ng Bayan hatawtabloid.com
MAGBABALIK sa kanyang pinanggalingan ang munting bida na si Ningning (Jana Agoncillo) para makita sa huling pagkakataon ang kagandahan ng isla Baybay bago siya tuluyang hindi makakita at para magdiwang ng kanyang kaarawan sa huling dalawang linggo ng top-rating morning weekday Kapamilya program.
Matapos hilingin ni Ningning sa kanyang tatay Dondon (Ketchup Eusebio) na umuwi na silang mag-ama sa isla Baybay dahil sa kanyang kondisyon, masayang ibinalita ni Dondon kay Ningning na payag na siyang muling manirahan sa isla dahil ito ang makabubuti sa anak at mas ligtas ang kapaligiran ng isla. Pero bago aalis ang mag-amang Dondon at Ningning sa Maynila, maglalaan ng oras si Ningning para kabisaduhin ang mga mukha ng mga taong naging bahagi at nagpaningning sa buhay niya.
Malalaman kaya ni Ningning na siya pala ang nagsisilbing inspirasyon sa mga taong nakilala niya sa Maynila? Huwag bumitaw sa huling dalawang linggo ng Ningning, Lunes hanggang Biyernes bago mag-It’s Showtime sa ABS-CBN.
TALBOG – Roldan Castro
