HATAW! D'yaryo ng Bayan hatawtabloid.com
MULING sinalakay ng mga tauhan ng Bureau of Corrections (BuCor) ang New Bilibid Prisons (NBP) kahapon ng umaga.
Sa nasabing pagsalakay ay muling nakakompiska ng mga baril, sumpak, droga at sex enhancers ang mga awtoridad.
Ayon kay BuCor chief Rainer Cruz III, ito ang ika-walong “Oplan Galugad” na kanilang ginawa mula nang maupo siya bilang hepe ng kawanihan.
Bagama’t kaunti aniya ang mga nakompiska nila kahapon, nakaaalarma pa rin dahil bumabalik na naman ang droga at mga armas sa kabila nang pagkakasibak kamakailan sa ilang security personnel ng national penitentiary.
