HATAW! D'yaryo ng Bayan hatawtabloid.com
HINDI natitinag ang pagiging Primetime King ni Coco Martin dahil angat sa ratings ang kanyang seryeng Ang Probinsyano.
Nananatiling pinakapinanonood na TV network sa bansa ang ABS-CBN noong Nobyembre matapos pumalo sa national average audience share na 42% ang Kapamilya Network sa pinagsamang urban at rural homes base sa datos ng Kantar Media.
Patuloy na namamayagpag ang mga programa ng ABS-CBN lalo na pagdating sa primetime (6:00-12:00 midnight) na nakakuha ito ng average audience share na 49% nationwide.
Numero uno ang FPJ’s Ang Probinsyano na may average national TV rating na 39.9% na sinundan ng Pangako Sa ’Yo (34.8%) at bagong dance reality serye na Dance Kids (31.6%) na agad pumasok sa top three matapos ang tatlong linggo sa ere.
Umakyat naman sa ikaapat na puwesto ang Wansapanataym (31.5%) mula sa ikaanim na puwesto noong Oktubre kasunod ang TV Patrol (31.4%) at weekend top raters na MMK (28.2%) at Home Sweetie Home (28%).
TALBOG – Roldan Castro
