Derrick, nakatatanggap ng mga indecent proposal

INAMIN ng alaga ng aming kaibigang si Manny Vallester, na si Derrick Monasterio na totoong nakatanggap na rin siya ng “indecent proposal”, sa madaling salita alok na makipag-sex, at ang iniaalok daw sa kanya ay napakalaking halaga. Hindi raw bading ang nag-alok sa kanya niyon kundi isang mayaman at kilalang matrona.

Pero aminado siya na hindi naman niya nakaharap mismo ang matrona, kundi ang isang confidante lamang niyon na siyang nagpaabot sa kanya ng indecent proposal. Ibig sabihin hindi siya sigurado kung ang matrona nga iyon, o baka naman ginagamit lang ng bugaw ang pangalan ng matrona para hindi mabulgar kung sino talaga ang interesado.

Pero teka, mukhang mali yata iyan dahil ang gusto nilang mai-project na image ni Derrick ay wholesome. Matinee idol ang dating niya eh. Hindi naman siya gumagawa ng mga seksing serye o seksing pelikula. Iyon ngang pelikula niya, iyong Babaylan, historical pa ang dating. Pero bakit nga ba ang napag-uusapan ay mga indecent proposal?

Kung sa bagay, sexy naman kasi ang dating talaga ni Derrick, kaya lang parang hindi bagay na talagang personalidad niya ang ganoong usapan.

HATAWAN – Ed de Leon