HATAW! D'yaryo ng Bayan hatawtabloid.com
ALL set na ang Philippine Movie Press Club (PMPC) sa pagbibigay ng tropeo para sa mga natatanging alagad ng telebisyon. Ang Gabi Ng Parangal ay magaganap sa December 3, 7:00 p. m, sa KIA Theatre, Cubao, Quezon City.
Magsisilbing hosts sina Boy Abunda, Gelli de Belen, Maja Salvador, Enchong Dee, Christian Bautista, at Toni Gonzaga.
Sa opening, dalawang pares ang await—ang young actor na si Grae Fernandez kasama ang The Voice Kids finalist na si Ataska Mercado, at ang PBB 737 finalists na sina Bailey May at Ylona Garcia.
Sa pagbibigay ng tribute sa Ading Fernando Lifetime Achievement awardee Ms. Coney Reyes at Excellence In Broadcasting Lifetime Achievement awardee Ms. Maria A. Ressa, maghahandog ng awitin ang mga World Champion na sina Mark Mabasa, Lucky Robles, Lilibeth Garcia, at JV Decena.
Isang masayang Youtube dance number naman ang ihahandog nina Sofia Andres, Ella Cruz, at Rodjun Cruz.
Sa finale, magtatagisan sa pagkanta sina Klarisse de Guzman, Darren Espanto, at Christian Bautista.
Ipagkakaloob naman ang German Moreno Power Tandem Award kina Alden Richards & Maine Mendoza (AlDub) at Liza Soberano & Enrique Gil (LizQuen).
Ang 29th PMPC Star Awards For Television, sa pamumuno ng kasalukuyang pangulong Joe Barrameda ay produced ng Airtime Marketing ni Ms. Tess Celestino at mula ito sa direction ni Bert de Leon. Mapapanood ang kabuuan ng show sa ABS-CBN Sunday’s Best sa December 6.
TALBOG – Roldan Castro
