Lola nagpuslit ng cocaine sa Kinder egg sa loob ng kanyang vagina

PINATAWAN ng suspended sentence ang 73-anyos na lola sa pagtatangkang ipuslit ang ilang pakete ng cocaine at heroin at mga tranquilizer na nagkakahalaga ng 20 euro sa Fontcalent prison sa Alicante, Spain.

Tinangka ng lola ang pagpuslit ng ilegal na droga para maibigay sa kanyang anak na nakakulong sa na-sabing bilangguan. Isinilid ng suspek ang mga droga sa loob ng Kinder Surprise eggs na itinago niya sa kanyang vagina.

Sa nasabing krimen, pinatawan ang lola, na hindi na pinangalan, ng 21-buwang suspended prison sentence matapos ang pagdinig ng kanyang kaso sa korte.

Batay sa datos na isinumite sa korte, matapos isilid ang mga droga sa Kinder egg, ibinalot ng lola sa isang condom at saka ipinasok sa kanyang vagina.

Nang malaman ng suspek na isasailalim siya ng mga prison guard sa body search, agad niyang tinanggal ang kontrabando bago kusang-loob na ipinakompiska sa mga awtoridad para arestohin.

Sa Filipinas, ang ganitong modus ope-randi ng pag-smuggle ng droga sa loob ng prison ay nauso na rin ngunit dahil sa maigting na pagbabantay ng mga tauhan ng Bureau of Jail Management and Peno-logy ay agad ding nasawata.

Kinalap ni Tracy Cabrera