BOC-POM 159 Warehouse

ANG 159 warehouse sa Bureau of Customs – Port of Manila (BOC-POM) ang official warehouse na iniimbakan para sa mga nasakoteng kontrabando.

Pero marami sa mga huling kontrabando ay hindi nailalagay sa bodegang ito dahil tila puno na o walang paglagyan sa loob kaya hindi maiwasan na magkaroon ng pilferage sa mga asin  asukal at bigas na waiting for auction.

Bago kasi malagay for auction ang isang kontrabando, ang mga nahuling kargamento ay kinakasuhan ng customs at maghihintay pa ng desisyon. At ito naman ay babantayan ng mga tauhan ng CIIS at ESS depende kung sino ang nakahuli, may kasabihan nga po sila, huli mo bantay mo.

Kapag mayroon nang magandang resulta sa kasong isinampa saka naman ito ililipat sa pangangalaga ng auction division.

Sa nakaraang panahon ang 159 warehouse ay mistulang shopping mall ng mga taga-customs at naging  bahay ng malalaking daga na mga magnanakaw sa pier.

Ang bodegang ito ay binisita  kamakailan ni BOC commissioner Alberto Lina, iniutos niya na linisin at itapon ang mga bagay-bagay na walang pakinabang o junk para maging  maluwag ang bodega at may mapaglayan ng mga huling kontrabando.

Good move Mr. Commissioner!