APEC leaders nakaalis na, lansangan binuksan na

NAKAALIS na ng bansa ang lahat ng APEC leaders makaraan ang matagumpay na summit na isinagawa rito sa Filipinas.

Bunsod nito, binuksan na ng Metropolitan manila Development Authority (MMDA) ang isinarang mga daan.

Sinabi ni MMDA Officer-In-Charge (OIC) Emerson Carlos, binuksan sa mga motorista ang mga isinarang daan, kabilang ang kahabaan ng Roxas Boulevard at EDSA dakong 4 p.m..

Naging matagumpay aniya ang pinatupad na security measure ng pamahalaan sa APEC sa kabila na umani nang maraming batikos mula sa publiko dahil maituturing na pinakamatindi ang naranasang traffic jam.

Ayon kay  Carlos, sa buong panahon ng pagpupulong ay  walang untoward incident na naiulat bagama’t maraming grupo ang nagkilos-protesta.