HATAW! D'yaryo ng Bayan hatawtabloid.com
HINDI kami makapaniwala sa lumabas sa isang website na pinagpapasa-pasahan din ngayon sa social media na nagtapat umano si Piolo Pascual sa tunay niyang gender. Bagamat lumang isyu ang pagdududa sa kanyang kasarian, parang nagdududa kami sa kredibilidad ng interbyu na ito. Parang biktima si Papa P ng Friday the 13th dahil sa araw na ‘yan lumabas ang nasabing artikulo.
Iginiit ng Manila Link na exclusive nila ang panayam na ‘yun na tanggap at suportado umano ng anak niyang si Inigo.
Mababasa pa ang quotation ni Papa P sa www.manilalink.com, “I don’t want to hide anymore. Wala na ‘kong pake kung ano’ng sabihin nila. (After) 21 years in showbiz, all I want is to be free and be with who I want to be with.”
Nakatingala kaya sa kisame ang sumulat nito? True ba ito? Imbento lang ba ito? Pero mas disclaimer.
Kung talagang magsasalita si Piolo, magiging exclusive na ‘yan ng ABS-CBN 2 at sa mga showbiz website ng ABS-CBN. Nakakaloka talaga ang lumabas na artikulong ‘yan.
Mababasa rin sa nasabing website ang description na “Manila Link is the most notorious satirical news portal in the Philippines with article submissions from users all around the globe.”
TALBOG – Roldan Castro
