HATAW! D'yaryo ng Bayan hatawtabloid.com
NAGKAROON ng Thanksgiving mini-presscon ang Everyday I love You na two weeks pa ring mapapanood sa mga sinehan. Ito’y pinagbibidahan nina Liza Soberano, Enrique Gil, at Gerald Anderson.
Awesome at overwhelmed ang nararamdaman ng LizQuen sa box office success ng pelikula.
Noong simula raw ng movie ay medyo may kaba dahil kakaiba ito sa Forevermore at Just The Way You Are dahil mas matured ang role nila. Nasanay daw sila sa full na rom-com. Pero nagawa naman nila itong maganda.
Isang eksena na hindi makalilimutan ng LizQuen ay noong mahulog sa hagdanan na makakain ng ‘pupu’ si Enrique. Natural daw ‘yung reaction niya sa movie at ‘yun na talaga ang ipinakita. Sey pa ni Liza, ang baho raw ng kinahulugan nila.
Muntik naman maglapat ang mga labi nila sa movie at kaunti na lang ang pagitan dahil hindi raw nag-cut si Direk Mae Cruz. Bigla na lang daw umurong si Liza kaya na-cut ang scene na ‘yun.
Hindi pa nila masagot kung sa susunod na project ay may kisssing scene na silang dalawa.
Nakikitaan ng kilig ang LizQuen dahil totoo ang feelings na ipinakikita ni Enrique sa dalaga. ‘Yung mga titig niya kay Liza ay totoo talaga.
Waiting si Enrique na sagutin siya ni Liza sa January na magde-debut na ito. Early next year din mapapanood sa ABS-CBN 2 ang bago nilang serye.
Tatanggap naman ng German Moreno Power Tandem ang LizQuen sa darating na PMPC Star Awards for TV sa December 3.
Pak!
TALBOG – Roldan Castro
