Ikaw ni Yeng, Song of the Year sa 7th PMPC Star Awards For Music

LUMUTANG talaga at binuhay ang crowd nina Morisette Amon at Darren Espanto ang 7th PMPC Star Awards For Music noong Nobyembre, 10, 2015, sa KIA Theater, Araneta Center, Cubao, Quezon City.

Kakaiba ang format ng 7th PMPC Star Awards For Music dahil nagmistulang isang malaking concert. Naghandog din  ng awitin ang mga sumusunod—Erik Santos, Kyla, Christian Bautista, Matteo Guidicelli, Gloc 9 with his band, Alex Gonzaga, The Dawn, KZ Tandingan, Jett Pangan, Kylie Padilla, Aicelle Santos, Jonalyn Viray, Jason Dy, Sheryl Cruz, Michael Pangilinan, Kean Cipriano and Eunice with his Band,Hannah Nolasco & Mark Mabasa and Friends.

Naging Face of the Night sina Kim Chui at Enchong Dee na naging hosts ng gabing ‘yun. Nagbigay din sila ng kanilang awitin. Nagsilbing DJ Host naman si Tom Taus.

Sina Vina Morales at Janno Gibbs ang umawit para sa tribute kina Rey Valera na tumanggap ng Pilita Corrales Lifetime Achievement Award at kay Ogie Alcasid na tumanggap ng Parangal Levi Celerio. Nakiawit din sina Valera at Alcasid kina Vina at Janno.

Bago magsimula ang awards night ay may isang kasambahay na gustong magpa-interbyu at umeksena dahil sa karanasan niyang  pinalayas umano ng isang presidentiable. Dahil wala siya sa tamang lugar at okasyon ay hindi namin siya pinatulan.

Ang 7th PMPC Star Awards For Music ay mula sa direksiyon ni Bert de Leon at produced ng Airtime Marketing ni Ms. Tess Celestino. Ang kabuuan ng awards night ay mapapanood sa ABS-CBN Sunday’s Bestsa November 29, 2015.

Narito ang mga nagsipagwagi: SONG OF THE YEAR—Ikaw-Yeng Constantino; ALBUM OF THE YEAR—Celestine-Toni Gonzaga; MALE RECORDING ARTIST OF THE YEAR—Gloc 9-Biyaheng Pangarap atVice Ganda-#Trending; FEMALE RECORDING ARTIST OF THE YEAR—Sarah Geronimo-Perfectly Imperfect; POP ALBUM OF THE YEAR—Darren-Darren Espanto; MALE POP ARTIST OF THE YEAR—Christian Bautista-Soundtrack; NEW FEMALE RECORDING ARTIST OF THE YEAR—Morisette Amon-Morisette; MALE ACOUSTIC ARTIST OF THE YEAR—Noel Cabangon-Throwback; FEMALE ACOUSTIC ARTIST OF THE YEAR—Sabrina-Love Acoustic 7; ROCK ALBUM OF THE YEAR—Haymabu-Siakol; MALE ROCK ARTIST OF THE YEAR—Kean  Cipriano-Happy Together; FEMALE ROCK ARTIST OF THE YEAR—Glaiza De Castro; REVIVAL ALBUM OF THE YEAR—Duets –Pilita Corales; COMPILATION ALBUM OF THE YEAR—Himig Handog P-Pop Love Song; DANCE ALBUM OF THE YEAR—ADA: The EDM Diva-Ai Ai Delas Alas; DUO/GROUP ARTIST OF THE YEAR—The Company-Lighthearted OPM 2; NOVELTY SONG OF THE YEAR—Boom Panes-Vice Ganda; RNB ALBUM OF THE YEAR—Journey-Kyla; RNB ARTIST OF THE YEAR-James Reid-Reid Alert; CONCERT OF THE YEAR—Gandang-Ganda Sa Sarili Sa Araneta, E di Wow-Vice Ganda/ABS-CBN Events and Star Events AND  Ultimate Concert, Martin Nievera, Gary Valenciano, Lani Misalucha & Regine Velasquez /StarMedia Entertainment and iMusic; MALE CONCERT PERFORMER OF THE YEAR—Vice Ganda-Gandang-Ganda Sa Sarili Sa Araneta, E di Wow; FEMALE CONCERT PERFORMER OF THE YEAR—Lani Misalucha-La Nightingale and Regine Velasquez-Ultimate Concert; ALBUM COVER CONCEPT & DESIGN OF THE YEAR—Darren-Darren Espanto/MCA Music; MUSIC VIDEO OF THE YEAR—The Way We Are-Christian Bautista featRachel Ann Go/Director: Christian Bautista & Joshua Bautista.

 

TALBOG – Roldan Castro