HATAW! D'yaryo ng Bayan hatawtabloid.com
AMINADO ang Presidentiable na si Tito Boboy Syjuco na kinikilig din siya sa AlDub. Sey niya wala raw sa edad ‘pag kinilig. Hindi lang daw ang mga bagets ang puwedeng kiligin kina Alden Richards at Yaya Dub.
Anyway, bilib si Tito Boboy sa mga artistang tumatakbo sa politika at gustong magsilbi sa bayan.
“Sige lang po. Ituloy ninyo ang inyong ginagawa. Lalo na’t galing ang serbisyo sa mga taong kasing-special ninyo,” deklara niya.
Hanga siya kay Manny Pacquiao na tatakbo sa Senado sa 2016 election.
Kung halimbawang matalo raw niya si Senator Grace Poe bilang Pangulo, bibigyan pa rin niya ito ng posisyon sa kanyang administrasyon.
Ibabalik daw niyang Chairman ng MTRCB si Senator Grace dahil nakita niya na maayos ang panunungkulan nito noong nasa MTRCB pa.
Inurirat din si Tito Boboy kung mayroong artista na na-link sa kanya noong araw.
“Ganito na lang po. Allow me this indulgence na gamitin ang madalas na ginagamit sa showbiz. Na ‘pag may tinanong na taga-showbiz na hindi alam ang dapat na sagot at ayaw magsinungaling, pero concern naman po as aspect ng privacy, ang kasagutan ng taga-showbiz ay, ‘No comment!’ Ha! Ha! Ha!” sambit niya.
Naniniwala rin si Tito Boboy na hindi siya isang nuisance candidate. Siya ang pinaka-qualified na presidential candidate dahil sa kanyang edukasyon, kredibilidad, talino, at pagmamahal sa ating mga kababayan.
TALBOG – Roldan Castro
