Liza, puring-puri ni Gerald

NAGBABALIK-TAMBALAN sina Liza Soberano at Enrique Gil sa Everyday I Love You with Gerald Anderson ng Star Cinema. It’s a romantic drama na idinirehe ng box-office director na si Mae Cruz- Alviar na siyang nagdirehe ng blockbuster films na Catch Me… I’m Inlove, She’s The One, Bride For Rent, at Crazy Beautiful You.

Seryoso ang pelikulang ito compared sa past movies na nagawa na ni Direk Mae. Magpapakita ng galing sa pag-arte sina Liz, Enrique, at Gerald. Makikita sa pelikula kung hanggang saan ang acting ability ng kanyang mga artista. Maraming highlight ang Everyday I Love You, ayon sa batikang director.

Sabi nga ni Direk Mae, malaki na raw ang improvement nina Liz at Enrique sa acting na ipinakita. Happy siya sa naging resulta, nagawa nila ng tama ang bawat eksena. Palibhasa relax na sa isa’t isa kaya nagampanan nila ‘yung character na pino-portray nila sa pelikula. Inamin ni Liza na medyo naiilang siya noong first scene nila ni Gerald. Alam kasi ng young star na magaling na actor ito. ‘Yung mga sumunod na eksena, relax na ito sa tulong na rin ni Direk Mae.

Nakita ni Direk Mae kung gaano ka close sina Liz at Enrique. Natutuwa siyang pagmasdan ang dalawa tuwing nagbibiruan na parang mga bata. Sabi niya, “Kita mo agad sa kanila may chemistry sila together kaya click sa fans. They’re perfect to each other kung sakaling sila nga ang magkatuluyan.

Napaka-supportive ni Gerald sa kanyang leading lady na si Liz. Hinayaan muna niya na maging kampante sa kanya ang dalaga bago kunan ang mga dramatic scene nilang dalawa. “Gusto kasi ni Direk Mae maging realistic ‘yung scenes namin. I’m impress, magaling si Liz nabigyan niya ng justice ‘yung character na pino-portray niya. Maging si Direk ay nagulat, ibinigay niya ang best sa bawat scene naming dalawa. Masarap katrabaho si Liz, always ready for take. Inaral niya  ‘yung script pati sequences na kukunan with me and Enrique. She can be a good actress in the near future,” say ni Gerald.

ANIK-ANIK – Eddie Littlefield