4 Pinay nailusot $3.1-M cocaine sa Hong Kong (Awtoridad abala sa isyung ‘tanim-bala’ sa NAIA)

SA mahigpit na kampanya kontra ‘tanim-bala’ sa NAIA, nakaligtaan umanong bantayan ang ibang kontrabandong nakapupuslit sa bansa.

Ayon sa Volunteers Against Crime and Corruption (VACC), apat na Filipina ang inaresto sa Hong Kong matapos mahulihan ng droga.

Agad inaresto sa airport at kinasuhan ng drug trafficking ang apat dahil sa pagdadala ng tinata-yang 2.5 kilo ng hinihinalang cocaine mula sa Maynila.

Sinasabing nagkakahalaga ang droga ng mahigit US$3.1 milyon.