Friday , April 19 2024
selfie groupie grandma falling
selfie groupie grandma falling

Sa NAIA: 83-anyos lola nadaganan ng pamilyang nag-selfie

ISINUGOD ang isang babaeng senior citizen sa San Juan De Dios Hospital sa Pasay City nang matumba at masaktan makaraang maatrasan ng isang pamilyang nag-paretrato sa paraang ‘selfie’ sa departure waiting area ng Ninoy Aquino International Airport (NAIA) Terminal 1 kahapon ng tanghali.

Ayon sa Manila International Airport Authority (MIAA), itinakbo sa ospital si Juliana Lipan, 83 anyos, residente sa Bagong Lipunan, Liberty, Quezon City, dahil nahirapang huminga sa pagkakabagok ng kanyang ulo at katawan nang tumama sa bakal ng entrance gate ng departure terminal.

Sinabi ni Micheal Navarro Oclos ng Mandaluyong City, handa niyang panagutan ang lahat ng gastusin sa ospital na pinagdalhan sa matanda.

Ayon sa Airport Police Department (APD), kapwa naghatid ng kani-kanilang kapamilya sa airport sina Lipan at Navarro, pero bago pumasok sa loob ng terminal ang kamag-anak ni Navarro ay nag-selfie muna, nguni’t bigla na lamang naatrasan ang matanda na ikanabulagta nito sa semento.

Ayon kay Dra. Rowena Bernal, ng MIAA Medical team, nakita niya ang matanda na nahihirapang huminga saka sumasakit ang likod dulot ng pagka­kabagsak sa semento.

Matapos suriin at mabigyan ng paunang lunas, saka dinala ng medical team sa ospital si Lipan upang doon isailalaim sa pagsusuri ang buong katawan nito.

(GMG)

About G. M. Galuno

Check Also

Bong Revilla, Jr

Revilla tuloy ang serbisyo-publiko sa kabila ng aksidente

“SALAMAT sa mga nag-aalala kung ano ang nangyari sa akin, pero nasa mabuti na akong …

Lobo Batangas

Sa Batangas 
PAGLAGANAP NG ILEGAL NA SUGAL SA LOBO IKINABAHALA NG BUSINESSMEN

LUBOS na nababahala ang grupo ng mga negosyanteng kinabibilangan ni Efren Ramirez sa isyu ng …

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Leave a Reply

Your email address will not be published. Required fields are marked *