Mark, never nagselos sa katrabaho ni Jolina

AMINADO si Mark Escueta, dyowa ni Jolina Magdangal na marami siyang fears noong isilang si Pele Inigo.

“Bago ko pa man mahawakan ang anak ko ay maraming fears, maraming pinaghahandaan. Hindi ka makakapag-prepare talaga. Ang galing kasi babaguhin ka from the inside to then point na ‘yung fear mo ay wala na, hindi na fear, isa nang inspiration. ‘Yung fear mo is not being able to provide kung ano ‘yung kailangan. Parang doon na ang focus mo, wala na sa sarili mo. ‘Yung iba kasi (na fear) ay mawawalan ka ng oras, ‘yung responsibility ay masyadong grabe. ‘Yun pala, kapag na-bless ka ng isang anak ay babaguhin ka from the inside,” chika ni Mark sa launching ni Pele as endorser ng Super Twins ng Megasoft Hygienic Products.

Hindi naging mahirap kay Jolina na kumbinsihin si Mark para i-endorse nila ang Super Twins.

When asked kung sanay na siya sa showbiz, ang sagot ng musikero, ”Hindi pa rin pero tulad ng sinabi ni Jolina, anything na maitutulong ko sa family ko ay gagawin ko lalo na something as important as this – importance of family. Gusto namin na maging inspiration sa mga existing and future families sa bansa.”

Sinabi ni Mark na hindi siya nagseselos kapag ipinapareha si Jolina sa iba’t ibang leading men.

“Wala naman. Basta sabi ko sa kanya, gusto kong makita na masaya siya sa trabaho niya at marami siyang napapasayang tao.”

UNCUT – Alex Brosas