HATAW! D'yaryo ng Bayan hatawtabloid.com
PINAGKAGULUHAN si Atty. Leila de Lima (dating Secretary of Justice at ngayon ay tumatakbong senador sa Liberal Party-led Koalisyon ng Daang Matuwid) sa ginawa niyang block screening ng Heneral Luna sa Trinoma noong Sabado. Inimbita niya ang mga friend niya at ilang estudyante.
Ang daming nagpapa-picture sa kanya.
‘Pag may oras si Atty. De Lima ay mahilig din siyang manood ng sine. Pero noong maging Secretary of Justice siya ay sa eroplano pa raw siya huling nakapanood ng pelikula.
Aminado siyang ninenerbyos dahil first time niyang nakatsikahan ang movie press.
“I know na mas marunong kayong mag-grill doon sa mga unchartered territory ni Leila de Lima. ‘Yung hindi masyadong nakikita, ‘yung hindi masyadong alam ng mga tao. Alam ko, susubukan n’yo,” tumatawa niyang pahayag.
Natawa tuloy siya noong tanungin ang kanyang showbiz crush. Buong ningning din niyang sinabi na sina Cesar Montano at Robin Padilla.
Tinanong din siya kung mahirap bang mahalin ang isang Leila de Lima at napahalakhak siya sa tanong.
“Sinasabi ko na nga, iba talaga kayong magtanong. ‘Yung mga ganyang questions, first time kong na. . .(encounter). Kayo lang ang mayroon talagang lakas ng loob na magtanong ng mga ganyang klaseng tanong,” bulalas niya.
“Siguro nga, mahirap. Because ‘yun ang problema kasi, wala talaga akong oras masyado sa kanila. Ang boyfriend ko at saka nagiging asawa ko, ‘yung trabaho ko. Pero siyempre, bilang babae, naa-attract din ako paminsan-minsan and therefore, in between, mayroon ding relationship. But not so serious relationships,” pakli niya.
‘Pag isasapelikula naman ang buhay niya, bagay daw si Dina Bonnevie na gumanap.
Pak!
(ROLDAN CASTRO)
