Piolo, way ni Claudine para gumanda muli ang career

FEELING namin tuluyang makababalik si Claudine Barretto ‘pag natuloy ang project nila ni Piolo Pascual.

Sa totoo lang, sa Etiquette for Mistresses ay acting ni Claudine ang lumutang. Siya talaga ang pinakamagaling sa peliikulang ‘yun at tinalbugan sina Kris Aquino, Kim Chiu etc. kaya dapat lang na masundan ito.

May chemistry naman sina Papa P at Claudine at sabik na rin ang mga moviegoer sa kanila after ng pelikula nilang Milan noong 2004. At feeling namin mas patok pa ‘yan kung sasamahan ‘yan ng KathNiel, JaDine o LizQuen.

Hindi naman importante ‘yung sinasabi nila na si Piolo ang magdadala ng pelikula sa balik-tambalan nila ni Claudine. Mas masaya nga ‘yung makatulong si Papa P na tuluyang makabalik ang isang magaling na artista gaya ni Claudine.

Sey nga ni Piolo sa isang panayam, kung gagawin nila ang pelikula ay dahil para sa kanilang dalawa ‘yun. Naniniwala siya na ”Clau is Clau” kahit anuman ang nangyari sa kanya.

Aminado rin si Piolo na ilang beses din siyang tinulungan at dinala ni Claudine noong nagsisimula ito.

Lagi raw nariyan si Claudine at isang tunay na kaibigan. Ayaw niyang isipin na siya ang magdadala. Ayaw niyang maramdaman ni Claudine na kailangan siya o kailangan nila ang isa’t isa kundi nababagay talaga ang proyekto para sa kanila.

Talbog!

TALBOG – Roldan Castro