GMA 7, co-producer na ng show ni Willie Revillame

MAGANDA ang naging Linggo ni Willie Revillame noong Oktubre 11 sa kanyang programang Wowowin sa GMA 7.

Sa kanyang Facebook page, kinompirma ni Willie na ang GMA ay magiging co-producer na ng kanyang pang-Linggong game show kaya hindi na siya mahihirapan sa pagkuha ng commercials ‘di tulad noong panahong siya ang tanging producer at blocktimer ng estasyon.

Naunang natuwa si Willie nang inilipat ng GMA ang Wowowin sa 2:00 p.m. pagkatapos ng Sunday Pinasaya.

Inamin noon ni Willie na nahirapan siya oras na 3:00 p.m. dahil patay na oras ito para sa mga manonood at malaki ang kanyang nalugi noon.

Inaasahang lalong darami ang mga guest ni Willie mula sa mga ibang show ng GMA at humingi siya sa network na bigyan siya ng co-host.

Ang pagiging co-producer ng GMA sa Wowowin ay pareho sa set-up ni Willie noong nasa ABS-CBN pa siya.

Umaasa rin ni Willie na lalong tataas ang rating ang Wowowin lalo na’t napapabalitang tinatalo na nito ang ASAP 20 ng Dos.

SHOWBIZ TIDBITS – James Ty III