Sabwatang Palasyo Ombudsman vs VP Binay itinanggi

HINDI nakikipagsabwatan ang Palasyo sa Ombudsman para gipitin si Vice President Jejomar Binay at sirain ang kanyang 2016 presidential bid.

Sinabi ni Communications Secretary herminio Coloma Jr., walang hurisdiksyon ang Malacanang sa Office of the Ombudsman na isang independeng constitutional body.

Binigyang diin pa niya na ang administrasyong Aquino ay tumatalima sa rule of law.

“The Office of the Ombudsman is an independent constitutional body over which the executive branch has neither authority nor jurisdiction.This administration has always adhered to the rule of law,” ani Coloma.

Ang pahayag ni Coloma ay bilang tugon sa sinabi ni Rico Quicho, tagapagsalita ni Binay, na ang administrasyong Aquino ay nakikipagkutsabahan sa Ombudsman para gipitin si Binay, kabilang ang pagsasampa ng mga kasong graft, malversation at falsification of public documents laban sa Bise-Presidente sa Sandiganbayan, at pagdismiss kay Makati Mayor Junjun Binay at 22 iba pa kaugnay sa Makati City Hall parking building.