Mundo maaaring gunawin ng mga alien

INIHAYAG kamakailan ni Propesor Stephen Hawking, at gayun din ng ilang prominenteng siyentista, ang paglunsad ng bagong US$100 milyong inisyatibo para hanapin ang katibayan ng intelihenteng extraterrestial (ET) life, o buhay mula sa ibang planeta.

Ito ay magiging isa sa pinakamalawak at pinakamasusing gawain na tatangkain na tutuon pagsagap ng mga senyales ng radio signal na maaring pinadala ng sinumang nilalang mula sa kalawakan.

Gayun pa man, nagbabala naman ang isang siyentista sa Australia na pag-isipan munang mabuti bago tumugon sa nasabing mga signal mula sa outer space sa pagpuntong habang ang pakikinig sa mga alien message ay maaaring makatulong sa atin na mapagalaran ang ating puwang sa kalawakan, ang pagtatangkang makipagkomunikasyon sa mga ET ay maaaring maging salungat sa interes ng sangkatauhan.

Pinaninidigan ni Matthew Bailes ng Swinburne University sa melbourne, na siya ring nangunguna sa inisyatibong maghanap ng buhay sa ibang mga planeta, na ang pagsasagawa ng komunikasyon sa alin mang alien race na may kakayahang magpadala ng mga signal mula sa malalayong lugar ay may potensyal na maging dahilan nang pagkagunaw ng mundo.

“Ang kasaysayan ng ugnayan ng mga mahihinang sibilisasyon sa mas advanced at maunlad na sibilisasyon ay hindi masayang bagay,” ani Bailes.

Ang kanyang sentimyento ay sumusupota sa pahayag ng mga researcher at ibang siyentista na lumagda sa isang petisyong nagigay babala na ang mga intelihenteng ET ay maaaring maging hostile at hindi mapayapa gaya nang inaasahan ng ilan.

Kinalap Ni Tracy Cabrera