HATAW! D'yaryo ng Bayan hatawtabloid.com
BONGGA talaga ang career ni Jennylyn Mercado dahil hindi lang si Jericho Rosales ang makakasama niya sa pelikula, naunahan siya ni Sam Milby. Ramdam namin ang kilig nang mapanood namin ang full trailer ng The Prenup. May chemistry sila ni Sam at maganda ang rehistro nila sa screen. Sayang nga lang dahil walang balita na na-develop ang dalawa samantalang magkasama sila sa New York. Hindi ba umepek ang Central Park NYC para magkaroon ng bagong romansa?
Sa mga napapanood kasing foreign flms, diyan nagkaka-inlove-an ang mga bida.
Anyway, ang tipo ng istorya sa The Prenup ang magugustuhan ng masa na may mga magulang na kontra sa mapakasalan ng anak lalo na kung matapobre ang mga ito. Uso rin ‘yang pre-nuptial agreement lalo na ‘pag mayaman ang mapapangasawa.
Ang The Prenup ay sa ilalim ng direksiyon ni Jun Lana. Kasama rin sa pelikula sina Melai Cantiveros, Jaclyn Jose, Freddie Webb, Dominic Ochoa, Gardo Verzosa, at Ella Cruz. Showing ito sa October 14
TALBOG – Roldan Castro
