HATAW! D'yaryo ng Bayan hatawtabloid.com
MALAKI ang pasasalamat ni Bela Padilla kay Direk Joel Lamangan, direktor ng Tomodachi at Felix Manalo dahl sa pagkakasali niya sa mga pelikulang ito.
“Nag-work na po ‘yung mga dasal ko. Sobrang thankful dahil ito na ‘yung hinihintay ko. Parang it just goes to show na talagang ‘pag siguro maganda ‘yung work ethics mo, kapag matiyaga ka at pinagbubuti mo ‘yung trabaho mo, darating at darating ‘yung deserve mo.
“Hanggang ngayon, hindi pa rin ako makapaniwala sa mga natatanggap ko this year. Kasi nga sunod-sunod at magaganda iyong mga project. Gusto ko na lang isipin na siguro ay may nagawa akong tama, kaya nakukuha ko lahat ito ngayon,” deklara niya.
Nagsimula na rin noong Lunes ang serye niyang Ang Probinsyano na isa siya sa leading ladies ni Coco Martin. Ayon sa aktres, natulala siya sa galing ng actor.
“Masarap siyang katrabaho, siguro dahil alam naman nating lahat na mahusay siya. So, ikaw bilang artista, macha-challenge ka rin. Kaya kailangan lagi kang ready. You should always be alert and aware sa karakter mo, sa eksena mo, para hindi ka napag-iiwanan,” sey pa niya.
“’Yung galing ni Coco ay hindi niya sinasarili. Tutulungan ka niya para ma-achieve mo rin, tutulungan ka niya para gumaling ka rin. Para siguro, makasabay o makapantay ka,” aniya.
Aminado siyang napi-pressure ‘pag kaeksena si Coco dahil gusto niya na okey ang performance niya.
Tsuk!
TALBOG – Roldan Castro
