HATAW! D'yaryo ng Bayan hatawtabloid.com
ILOILO CITY – Patay na nang matagpuan ng kanyang pamilya ang negosyante at may-ari ng HuaLun Commercial sa Lungsod ng Iloilo, makaraang magbaril ng sarili kamakalawa.
Ang biktimang si Ricky Go ay natagpuan ng pamilya sa bakanteng lote sa gilid ng kanilang bahay sa Block 1, Lot 3, Ledesco Village, Cubay, Jaro, isinugod pa sa ospital ngunit idineklara ng patay na.
Nag-iwan ang biktima ng suicide note ngunit hindi inihayag ang dahilan ng kanyang pagpapakamatay.
Isinulat lamang niya ang kahilingan na maging confidential ang kanyang pagbaril sa sarili at ang pangalan ng mga tao na may utang sa kanya.
Habang tumanggi ang pamilya na magbigay ng pahayag kaugnay sa pangyayari.
Kung maaalala, noong nakaraang mga buwan lang nang inireklamo ang establisemento na pagmamay-ari ng biktima, dahil sa sinasabing bribery sa student council ng unibersidad para kunin sila bilang supplier ng T-shirt.
Ang isyu ay inimbestigahan ng unibersidad at nilinaw na walang nangyaring bribery kundi “enticement” lang o sinubukang maengganyo na magdesisyon pabor sa kanila.
