HATAW! D'yaryo ng Bayan hatawtabloid.com
NAG-UMPISA na noong Sabado ang Your Face Sounds Familiar Season 2 at hataw kaagad ang mga contestant.
Kuhang-kuha ni Myrtle Sarrosa ang ginayang niyang si Sandara Park of 2n1 sa Fire. Si Sam Concepcion ay walang takot na ginaya si Eminem sa kanta nitong Slim Shady.
Si KZ Tandingan naman na ginaya si Vina Morales ay halatang binago ang boses para lang makuha ang distinct voice quality ng huli pero sa hitsura, failure si KZ. Paano ba naman kasi, parang ang tanda-tanda ng kanyang mukha, eh in real life ‘di naman matandang tingnan si Vina, very fresh at young looking pa rin.
Isa rin sa binabantayan ko ay si Kakai Bautista na hindi nagpakabog sa kanyang paggaya kay Sia sa kantang Chandelier. Siyempre hindi rin magpapahuli sina Denise Laurel, Kean Cipriano, Michael Pangilinan, at Erik Nicolas.
Dapat piliin nilang mabuti ang kanilang gagayahin, si Melai kasi ay lumaki nang husto ang points nang gayahin niya si Elizabeth Ramsey at sa final ay nag-Miley Cyrus naman siya na lalong ikinatuwa ng voting public.
Sina Sharon Cuneta, Jed Madela, at Gary Valenciano pa rin ang judges sa Your Face Sounds Familiar Season 2.
Kung ikukompara sa Season 1, para sa akin, mas exciting ang Season 2 dahil parehong magagaling na singer ang mga contestant plus the fact na idinagdag si Melai bilang co-host ni Billy Crawford.
MAKATAS – Timmy Basil
