Helper tinusok ng sinaway na senglot (Naingayan sa kantahan)

KRITIKAL ang kalagayan sa pagamutan ng isang 42-anyos helper makaraan pagsasaksakin ng isa sa mga nag-iinoman nang kanyang sayawin dahil sa maingay na pagkakantahan sa tapat ng kanyang bahay kahapon ng madaling araw sa Malabon City.

Ginagamot sa Valenzuela Medical Center (VMC) ang biktimang si Diolito Acaso, residente ng Mabolo St., Brgy. Santulan ng nasabing lungsod.

Habang masusing iniimbestigahan ng mga awtoridad ang insidente upang mabatid ang pagkakakilanlan ng suspek na tumakas ang makaraan ang insidente.

Batay sa ulat nina SPO1 Jerry Dela Torre at PO2 Julius Mabasa, dakong 12:30 a.m. habang nagkakantahan ang mga nag-iinoman sa harap ng isang tindahan nang sayawin sila ng biktima na nabulabog sa kanyang pagtulog.

Ngunit biglang tumayo ang isa sa mga suspek at pinagsasaksak ang biktima.