Saan nanggaling ang dragon ng Whampoa Drive?

Sa gitna ng Whampoa Drive, may isang Dragon na nakaupo sa malaking baton na tila inaabot ang kalangitan. Minsan itong bumubuga ng tubig bilang bahagi ng isang fountain.

But where did the Dragon come from?

Ayon sa tagapagsalita ng Moulmein-Kallang Town Council, idinisenyo at ipinatayo ang eskultura ng dragon ng HDB noong 1973 pero tumigil ang pagbuga ng tubig ng fountain noong mid-1990s.

Batay sa ulat ng New Paper noong 2012, nagsimula itong mapabayaan nang panahong iyon, kasama ng iba pang mga Dra-gon structure na itinayo sa iba’t ibang lugar noong 1970s at 1980s. Nagsimulang matuklap ang pintura, at napuno ang kinatatayuan nitong basin o paso ng mga patay na dahon mula sa mga puno sa paligid.

Noong 2012, sumailalim ito sa pangangasiwa at pangangalaga ng Moulmein-Kallang Town Council, na binuhay ang Dragon sa pama-magitan ng paglalagay ng anti-algae treatment at pagdagdag ng landscaping sa paligid ng estruktura. Patuloy nitong minamantine ang dating kinagigiliwang eskultura.

Sa ngayon, napuno nang muli ang fountain kahit hindi na bumubuga ng tubig, at malinis na rin ang mga halaman sa paligid nito. Nagmukhang buhay muli ang Dra-gon, at nakatayo na para bang higanteng tanod sa gitna ng housing estate.

Sa tradisyong nagtakda sa mga dragon na may kaugnayan sa magandang tadhana at mahabang buhay, ito’y maituturing lamang na mabuting bagay para sa lahat.

Kinalap ni Tracy Cabrera