HATAW! D'yaryo ng Bayan hatawtabloid.com
MAY pasabog sa finale ng presscon ng My Fair Lady, ang hit Korean-Rom-Com Series na may Pinoy Twist ng TV5.
Lantaran na ang pagkakagusto ng anak ni Senator Grace Poe na si Brian Poe Llamanzares sa bida ng serye na siJasmine Curtis-Smith.
Pareho silang Atenista pero hindi sila nag-meet doon.
Noon pa raw ay crush na ni Brian si Jasmine. Humanga nga siya nang makita niya ang isang billboard ng actress sa EDSA.
So, out na talaga ang ex-boyfriend ni Jasmine na si Sam Concepcion. Ganoon din ang ex ni Brian na si Myrtle Sarrosa.
Kasama sina Vin Abrenica at Luis Alandy sa My Fair Lady. Nasa cast din sina Eddie Gutierrez, Marjorie Barretto, Joross Gamboa, Jenny Miller. Magsisimula sa September 14 ang My Fair Lady sa TV5.
Star Magic, maluwag na sa pagpapadala ng artista sa Cotabato
MALUWAG na ba ngayon ang Star Magic sa pagpapadala ng artista tulad ng sa Cotabato?
Rati ay lagi nilang sinasabi na hindi nila pinapayagan umano na mag-show sa Cotabato ang mga artista?
Pero ngayon ay madalas mag-show doon sina Aaron Villaflor at ngayon naman si Julia Montes ang pupunta sa Tupi, South Cotabato.
Kung sabagay, ilang beses na rin kami nagpupunta ng Cotabato at safe naman kaming nakauuwi.
TALBOG – Roldan Castro
