Sarah, wagi sa 10th International Song Contest: The Global Sound

BONGGA si Sarah Geronimo dahil tuloy-tuloy ang pagtanggap niya ng awards. Kamakailan ay nanalo ang latest single niyang Kilometro sa 10th International Song Contest: The Global Sound.

Ayon sa Viva Entertainment, nagningning si Sarah sa nasabing international contest na tinalo ang 26 international artists mula sa iba’t ibang panig ng mundo.

Base sa report ng ISC Global, si Sarah ang kauna-unahang Filipina na itinanghal na winner sa nasabing contest at ito rin ang kauna-unahang pagkakataon na nanalo ang isang bansang nagmula sa Asya.

Sabi ng ISC Global, “Geronimo is the first returning artist to ever win the competition on their second try.”

Ang ISC Global contest ay naitatag noong 2012. Hangarin ng patimpalak na magsama-sama ang mga bansa upang maipakita ang kahalagahan ng musika at kultura. Ang kompetisyon ay base sa mga botong nakalap ng internet at online netizens at unti-unti nang nakikilala.

MA at PA – Rommel Placente