HATAW! D'yaryo ng Bayan hatawtabloid.com
HINDI pa handa si Julia Montes na ilantad ang kanyang katawan sa mga mens’ magazine. Kung magkakaroon daw siya ng bikini pictorial ay sa fashion magazine lang muna. Hindi raw siya komportable.
Pero mas lalo siyang sumeksi bilang preparasyon sa kanyang seryeng Doble Kara na magsisimula na sa August 24 pagkatapos ng Flordeliza.
Nagkasya na raw ulit ang mga pantalon niya dahil sa cardio workout once a week.
Bukod dito, hindi raw siya palakain. Mas naenjoy niyang magluto para sa ibang tao kaysa kumain. Bukod dito, bagong pigura ni Julia ang mapapanood sa Doble Kara.
Ang powerhouse cast ng Doble Kara ay binubuo ninaCarmina Villarroel, Ariel Rivera, Mylene Dizon, Gloria Sevilla, John Lapus, Allen Dizon, at Alora Sasam. Ipinakikilala rin sa teleserye ang bagong leading men ni Julia na sina Edgar Allan Guzman at Anjo Damiles. Kasama rin si Alicia Alonzo para sa kaniyang espesyal na pagganap. Ito ay sa ilalim ng direksiyon nina Emmanuel Palo at Jon Villarin.
ROLDAN CASTRO
