HATAW! D'yaryo ng Bayan hatawtabloid.com
NAKAUSAP namin ang volleyball player na si Michelle Gumabao kamakailan tungkol sa mga susunod na plano niya habang wala pang sinasalihang torneo.
Ani Michelle, naging guest siya sa programang No Harm No Foul sa TV5 na kasama niya ang ilan pang volleyball players na sina Aby Marano at Melissa Gohing.
Enjoy si Michelle sa taping ng show dahil nagkabiruan silang tatlo kasama ang mga PBA players na sina Gary David, Beau Belga, Kiefer Ravena, at Willie Miller sa bagong sitcom tuwing Linggo ng gabi.
Bukod pa rito, may iba ring guestings si Michelle sa ABS-CBN dahil doon siya nakakontrata pagkatapos ng pagiging housemate niya sa Pinoy Big Brother noong 2013.
Pero nilinaw ni Michelle na hindi pa niya tinalikuran ang volleyball a naghahanda na siya para sa susunod na torneo ng Philippine Super Liga para sa kanyang team na Philips Gold.
Busy din si Michelle sa pagtuturo ng volleyball sa mga bata at balak niyang sumali sa grupong Athletes in Action para maisakatuparan ang mga susunod pang plano.
SHOWBIZ TIDBITS – James Ty III
