ASAP, tinalo raw ng Sunday noontime show ng GMA

HINDI kami makapaniwalang tinalo ng bagong Sunday noontime show ng GMA ang ASAP.

Nakakuha ng 22.7%  ang  pilot episode nito last Sunday samantalang 11.5% lang ang ASAP based on  the  overnight ratings  of AGB Nielsen among Mega Manila households.

Kaloka, ha. Parang hindi kami talaga makapaniwala.

Napanood namin ang pilot episode at hindi naman kagandahan ang show nina Ai Ai Something and Marian Something.

Sa opening pa lang ay nagkakalat na sila sa mga spiel, hindi nila alam kung sino na ang susunod na magsasalita dahil na rin siguro sa rami nila sa stage.

Halos corny naman ang comic skits nila. Sablay si Ai Ai sa kanyang comedy segment, hindi na siya nakatatawa. At ito namang si Marian ay puro tili lang ang alam.

Compared to Enrique Gil ay walang binatbat si Alden Richards sa pagsayaw. Kulang pa siya sa practice.

Nakakaawa naman sina Wally Bayola at Jose Manalo. Wala na silang pahinga, seven days a week na silang nagtatrabaho dahil six days ang Eat! Bulaga at mayroon pa silang Sunday show.

UNCUT – Alex Brosas