Kris, nagmaganda sa Yes! Magazine

TALAGANG deliberately ay inisnab ni Kris Aquino ang Yes! Magazine party.

Pinagmukhang tanga ni Kris ang mga executive ng magazine dahil hindi siya dumating. Imagine, siya ang pinakahihintay ng lahat dahil siya ang nanalong Most Beautiful Star pero wala siya.

Ang say ni Kris, nasa SONA kasi siya kaya hindi siya makaapir sa awards night. What a lame  excuse, ha.

Kung gugustuhin naman ni Kristeta na umapir ay makakahabol naman siya. Tapos na ang SONA nang magsimulang magdatingan ang mga celebrity. Hindi naman malayo ang venue sa pinagdausan ng SONA, puwede naman niyang gamitin ang motorcade para hindi siya matrapik.

Grabe ang preparation ng magazine for their anniversary celebration pero deadma lang si Kris, wala siyang pakialam. Talagang nagmaldita siya.

Actually, three weeks ago pa lang ay alam na ni Kris na siya ang Most Beautiful Star awardee dahil naispatan ang writer ng Yes! Magazine na si Anna Pingol na nasa Aquino & Abunda set at iniinterbyu si Kris.

Kaya lang, nagmaganda nga ang TV host at hindi  binigyang halaga ang kanyang award. Pahiyang-pahiya ang magazine executive dahil inisnab sila ng kanilang awardee.

 UNCUT – Alex Brosas