HATAW! D'yaryo ng Bayan hatawtabloid.com
KOMPIYANSA ang Philippine softball team na patungo sa Big League World Series sa Delaware sa tsansa nitong mabawi ang titulong napanalunan bilang kampeon tatlong taon na ang nakalipas.
Sa Philippine Sportswri-ters Association forum sa Shakey’s Malate, sinabi ni coach Ana Santiago na sapat ang naging paghahanda ng koponan ng Filipinas bukod sa pondong nalikom mula sa pangunahing mga sponor nito para maging positibo sa kampanya ng national squad na kinabibilangan ng reigning five-time UAAP champions Adamson Lady Falcons.
“Yes of course,” wika ng veteran mentor nang tanungin kung naniniwala siyang makapapasok ang pambansang koponan sa semifinals ng torneo.
Nitong nakaraang taon, nagtapos ang Pinay softbelles sa ika-apat na puwesto, na pinaniniwalaan naman ni Santiago na magbibigay daan ng tagumpay para sa national team. Ma-yorya ng miyembro nito ay na-nalo kamakailan ng gintong medalya sa ika-28 edisyon ng Southeast Asian Games sa Singapore.
“Iyong training na ginawa namin and sacrifices ng mga bata, I believe they deserve to be in the semis, and of course, in the finals,” anito.
Mayroon ding mahuhusay na pitcher ngayon ang mga Pinay.
“Sa softball alam naman natin ang first line of defense natin is pitcher. And ngayon mas preparado kami (pitchers),” dagdag ni Santiago.
Lumipad ang pambansang koponan patungo sa Sussex County, Delaware nitong Miyerkoles. Si Santiago ay naging coach din ng Team Manila nang mamayani sa torneo noong 2012 na tinalo ng Filipinas ang Westchester, California sa finals, 14-2.
At tulad din sa nakaraan, sinabi ni Santiago na ang California ang magbibigay ng pinakamabigat na oposisyon habang ang Puerto Rico at Michi-gan ay maaaring magpahirap sa kampanya ng mga Pinay.
ni Tracy Cabrera
