HATAW! D'yaryo ng Bayan hatawtabloid.com
FINALLY nagsalita na si Jake Vargas kung ano talaga ang dahilan sa hiwalayan nila ni Bea Binene. Itinanggi niya na may ibang babae siya bagkus wala raw silang time sa isa’t isa.
“Hindi na kami gaanong lumalabas, nawawalan ako ng time sa kanya. Pero walang third party, walang ganoon. Nagulat nga ako eh, kasi mahal na mahal ko si Bea,” deklara niya.
Hindi ba siya gumawa ng effort na makipagbalikan kay Bea?
“Gusto ko maging maayos kami kahit na ganito kami, may pinagdaraanan kami. Ayoko lang ng may mga bash na ano, na parang magkaaway kami dahil sa ganito, sa ganyan na isyu,” sambit pa niya.
Hindi malinaw kung friends sila ni Bea dahil hindi raw niya ito nakikita lately. Matagal na rin daw na hindi sila nagte-text-an. Hindi raw kasi siya sinasagot ni Bea sa text.
“Pero okay lang ‘yun at least nasasabi ko sa kanya ‘yung gusto kong sabihin, ‘di ba?Okay lang basta nababasa niya,” deklara pa ni Jake.
Mahal pa ba niya si Bea?
“Hindi naman agad mawawala ‘yun.Hindi naman basta-basta mawawala ‘yun,” pag-amin pa niya.
Gusto ba niyang balikan si Bea?
“Oo.Ako naman ganoon naman, eh gusto ko naman maging maayos kami lagi,” diretso niyang sagot.
Hindi rin daw niya alam kung ano ang ire-react niya ‘pag nabalalitaan niyang may ibang nanliligaw na kay Bea.
TALBOG – Roldan Castro
