HATAW! D'yaryo ng Bayan hatawtabloid.com
BUKOD sa Sunday All-Stars, isa pang programa tuwing Linggo ang nanganganib na masibak ng GMA 7.
Ayon sa aming source, susunod na titigbakin ng Siete ang game show ni Willie Revillame, angWowowin, na napapanood pagkatapos ng SAS.
Nagpalabas ng ultimatum ang GMA kay Willie tungkol sa renewal ng kontrata nito bilang blocktimer na mapapaso na sa katapusan ng Agosto.
Binanggit din ng source na nais ng GMA na ilipat ni Willie ang oras ng kanyang programa na lalong nanghihingalo sa ratings kontra sa mga pelikula ng Star Cinema ng ABS-CBN.
Bukod pa rito ay nais ng GMA na gawing live ang Wowowin imbes na pre-taped.
Ginawang pre-taped ni Willie ang kanyang show dahil ayaw niyang ma-overtime dulot ng mahigpit na patakaran ng GMA tungkol sa oras.
Unang inialok ng GMA kay Willie na ilagay ang kanyang show katapat ng ASAP 20 ngunit umayaw siya dahil sobra ang respeto niya kay Johnny Manahan na dating director ng Wowowee at ngayon ay director ng ASAP.
Blocktimer si Willie sa kanyang programa sa GMA at malaki ang binabayaran niya sa estasyon ngunit kung patuloy na babagsak ang ratings nito ay masasayang lang ang pera at puhunan niya.
Mauunang tatanggalin sa ere ang SAS at ang ipapalit rito ay ang bagong show na Sunday Pinas Saya simula sa Agosto na magiging hosts sina Marian Rivera at Ai ai de las Alas.
Magiging producer ng bagong show si Tony Tuviera na producer din ng Eat Bulaga.
SHOWBIZ TIDBITS – James Ty III
