Bromance sa PBB 737, effective sa ratings at trending pa sa Twitter

 

TALBOG – Roldan Castro . 

PINAGPIPISTAHAN sa social media ang ‘bromance’ kuning sa PBB 737 para sa housemates na sina Bailey May Thomas at Kenzo Gutierrez.

Ewan ko kung nakatutulong sa dalawa ang bagay na ito dahil may nababasa kaming dapat daw i-evict ang dalawa. Mukhang unfair naman dahil binibigyan ng malisya ang mga kilos nila sa loob ng bahay ni Kuya at pinaglalaruan sa social media.

May mga nagtatanong din kung scripted ba ang ‘Bromance’ ek na ‘yan sa PBB para tumaas ang ratings? Ginawa na raw ito sa ibang BB franchises, ginagaya raw ba ng PBB?

Mukhang effective naman ang ‘bromance’ sa PBB dahil balitang tumaas ang ratings at trending sa Twitter.

Ayon sa aming source, lalaking-lalaki ang Atenistang si Kenzo. Nag-iisang anak na lalaki at bunso kaya sabik din ‘yan sa little brother. May tsismis din na two months na naging boyfriend umano ‘yan ni Julia Barretto.

Marami raw naging girlfriend si Kenzo pero one at a time. After nila ni Julia, nagkaroon siya ng girlfriend na umabot ng two years.

‘Yun na!